BAP Do kanns zaubere
[Wolfgang Niedecken/Klaus "Major" Heuser/Steve Borg/Manfred Boecker/Wolfgang Boecker/Alexander "Effendi" Büchel/Hans Wollrath]
E wieß Blatt Papier, ne Bleisteff,
Jedanke bei dir, sitz ich
ahm Finster un hühr, wat sich
avvspillt vüür der Düür, bess ich
avvrötsch en die Zick, en der et dich für mich nit joov
un mir ming Levve vürm Daach op einmohl
vüürkütt wie en Stroof.
[Chorus]
Do kanns zaubre, wie ding Mamm, die Kaate läät,
Irjendsujet muss et sinn.
Jede Andre hätt jesaat: 'Et ess zo spät.
Dä Typ ess fäädisch, nä, dä Typ,
dä krisste wirklich nit mieh hin.'
Mem Rögge zur Wand, spaßend
un jede Nacht voll wor ich,
ming bessje Verstand hassend,
total vun der Roll woor ich.
t'schlemmste woor, als mir, wie do mich endlich registriert,
entsetzlich klar wood, dat et jetz oder nie
met uns zwei passiert.
Mensch woor ich nervös, als ich
dir alles jesaat - hektisch
un trotzdämm erlös, weil do mich
nit treck ussjelach und dich
für mich intressiert häss, für all dä Stuss, dä uss mir kohm,
für all dä Laber, dä'sch jebraat hann,
weil die Changs zo plötzlich kohm.
[Chorus]
E wieß Blatt Papier, ne Bleisteff,
Jedanke bei dir, setz ich ahm Finster un hühr, en mich,
krich kaum jet notiert, weil ich
immer noch nit raffe, dat mir uns tatsächlich hann,
Un mir deshalb halt wießmaache,
dat do wirklich zaubre kanns.
